【Dior 完美活能超效活氧緊緻乳霜】讀者【C*o】真實使用評價

收到呢罐Dior嘅乳霜真係滿心期待！打開後輕聞，有陣淡淡既香味，唔會太香精感，聞落好放鬆。質地看似濃厚實際頗易推開，推開時好似絲絨咁滑，吸收快，搽完唔會黐立立或者油膩。 用咗約一個星期，皮膚嘅光澤感提升咗，有一種健康透亮嘅感覺，尤其朝早起身照鏡，膚色均勻左！ 同埋我覺得皮膚彈力有改善。 （搽嘅時候順手做下向上按摩，下顎線位好似緊緻咗少少，笑起上嚟眼角啲細紋都冇咁明顯。🥺 但最最驚喜係淡印效果！（冇諗過緊緻霜有淡印效果： 請睇圖） 本來以為呢罐乳霜主打緊緻，冇預期到佢連淡印都有一手。我左面面頰有幾粒舊嘅啡色痘印，用咗左幾日佢地嘅顏色明顯淺咗😨鼻翼同嘴角嘅暗沉位都乾淨咗，呢點真係 bonus 嚟！ 抗衰老效果方面，暫時未見到好深嘅皺紋有大變化，但整體膚質同緊緻度確實有進步，相信持續用落去效果會更明顯。 質地舒適度： ★★★★★ 光澤提升： ★★★★★ 緊緻彈力： ★★★★☆ 抗衰老效果： ★★★★☆（需持續使用） 淡印驚喜度： ★★★★★ 香氣體驗： ★★★★★ 總結：專櫃品牌雖然價錢略高，但無論係使用感同效果都對得住個品牌定位，推薦俾追求輕盈抗老同高級護膚體驗嘅你！