【CeraVe 活肌再生A醇抗皺精華】讀者【C*o】真實使用評價

CeraVe A醇煥膚精華用後感： 包裝方面首先要讚，係真空按壓瓶，每次唧完個泵頭會彈返上去，完全阻隔空氣，唔怕成分氧化變質，呢點好加分。 講返效果，我本身未用過A醇精華，擔心用完會好刺激或者脫皮，好彩呢支好溫和，用咗一排都冇敏感。佢嘅質地類似清爽型乳液，唔會厚身，喺皮膚上面好易塗勻，等一陣就滲透晒入去。夜晚用完，隔日瞓醒覺得塊面明顯冇咁鞋，尤其係下巴同鼻翼兩側嘅粗糙位變得滑溜咗，摸上手細緻咗，彈性都好過之前。持續用咗大約兩星期，膚色暗啞有改善，望落有少少自然光澤感，整體皮膚質素進步咗。 溫和度： ★★★★☆ 質地輕爽度： ★★★★★ 光滑細緻效果： ★★★★☆ 包裝： ★★★★★