還記得在story問過大家關於月經杯/月亮褲/布衛生棉的提問嗎？經過多位長期用家的讀者朋友分享，小編整理了評價並結合大家的疑惑迷思，一文了解環保月事用品！絕對能顛覆你對它們的想像！
月亮褲
如一般內褲穿著即可！內褲夾層有一塊薄薄的吸水面料，血液會被面料吸收。隨後用清潔劑洗掉即可~
讀者A覺得月亮褲有分唔同既容量，可以係就這樣著，無加任何m巾，真正環保～條褲吸收係好快，乾爽過m巾，但係血塊係吸不到的～讀者B覺得月亮褲好似無痕內褲咁，完全冇不舒服同侷促嘅感覺，會不記得左自己黎緊經期~讀者C覺得月亮褲在生理期快來之前，跟快結束不確定乾淨了沒的時候很好用，現在都没用護墊了～
Reemi 抗菌月經褲 中腰日用款
HKD$258/條
讀者推薦Reemi的月經褲；仍覺得super jenny 的月經杯不錯，月經碟 hellodisc也超正，方便過月經杯～
UNIQLO AIRism 生理內褲
HKD$149/條
讀者大推Uniqlo 月經褲，價錢相對上比市場上其他同類產品平
布衛生棉
用法與傳統衛生棉一樣，布衛生棉的護翼有扣可以扣在內褲上，通常使用有機棉加上多層棉絨布，增加吸水性。
讀者A覺得布衛生綿穿著感舒適，不過不適用於流量大的日子！讀者B覺得布M巾好用但麻煩在要洗，可以簡有機棉會好洗D唔留漬，之前用 lovelycotton~讀者C覺得月經杯＋護墊size布M巾=無敵慳錢！舒服又環保，早用早享受，月經杯已用咗9年~
香港製eco luv cloth pads 布衛生棉
約HKD$138/23cm日用
讀者推薦香港小店 Eco Luv Cloth Pads!一條巾用咗六年都無問題！
台灣製櫻桃蜜貼 布衛生棉
HKD$95/24cm單件
HKD$1161/12件 – 普通流量套裝
櫻桃蜜貼 24cm 布衛生棉
讀者推薦布M巾，櫻桃蜜貼，容易清洗！
月亮褲＋布衛生棉迷思解答
一次經期準備多少條月亮褲/布衛生棉？
幾位讀者都表示一次經期約7條月亮褲就夠用，怕漏的亦可以配合布M巾用。不過因為清洗需時，亦可以多準備一兩條備用。
讀者A買了4條大容量，3條中低容量月亮褲。讀者B覺得7條月亮褲夠用！但係一定唔好懶~用完要立即洗，唔係乾唔切。讀者C表示月亮褲會配合布M巾用，第三四日流量比較少，可以單著月亮褲。讀者D的一日份量是兩三塊布衛生棉。
外出更換怎麼辦呢？
讀者們都會把用過的布M巾帶回家清洗，只要好好處理，其實並不會產生異味呢！
讀者A表示頭1-2日量比較多，中午會換一次裝在布袋仔入面，放進手袋，之後回家洗。 聽起來可能有點嘔心，但其實手袋冇異味。當然，如果知道出面落雨，我會袋多個膠袋，濕咗就真係大鑊了；讀者B表示如果有人出門上班是好趕的，就可能不適合用月亮褲。因為頭2日早上一定要換一條新，要預多5分鐘洗完才可以出門返工。；讀者E表示布衛生棉換下來可以摺埋放密實袋，驚有味可以加梳打粉。
清洗方法？
使用環保月事用品，難免會觸碰到經血，只要衝破到心理關口，每月都可以減少浪費！環保月事用品與普通內褲不一樣，月亮褲/布衛生棉的使用面料通常為透氣性高的織布，更易清洗血漬，不易有殘留。如果血漬乾透時間較長，可加入梳打粉浸泡和搓洗，就可將血漬完全洗掉。
讀者A會用凍水一邊沖＋搓洗，直到水中沒有血色，加入內衣清潔液，再沖洗乾淨就okay，係窗口自然風乾。讀者C的清洗方法好簡單，洗澡時先浸一浸，沖走表面的血，之後再用手洗，或者加專洗血漬的清潔液，可以洗得更快。讀者D洗澡時會用水先沖走表面的經血，加嬰兒清潔劑手洗。
會讓妹妹有細菌感染風險嗎？
換下來的血漬會在1-2小時內乾透，此時細菌不會繼續滋生。布料纖維本透氣性高，只要在太陽光底下曬至全乾，即可殺菌，使用前可用燙斗高溫消毒，因此不太會影響私密處。
一定要曬太陽殺菌，一定要全乾，記得不要有泡泡剩留~
月經杯
以醫療級矽膠或天然樹脂製造，對摺放入陰道後可盛載經血，取出後倒掉血液並能重覆使用。
用法可以看影片~
穿戴時先將月經杯對摺成小長條形，將杯體及拉環推入陰道後會自然鬆開，輕拉拉環以確保杯體形成一個密封並有一點吸力的負壓環境。
脫下時清潔雙手，用姆指和食指進入陰道輕壓月經杯解除真空狀態，輕輕轉動著取出，倒掉杯內經血後清洗乾淨重用。
Super Jennie
HKD$340
醫療級矽膠
尺寸：32ml / 41.6ml
AllMatters (原名OrganiCup)
HKD$178
尺寸：19ml / 27ml / 33ml
*不同品牌的使用方法有差異，可自行查看影片及多次練習。
月經杯迷思
處女可以用月經杯嗎？
理論上是可以的！處女膜是帶孔的一層薄膜，使用塞入式月事用品通常不影響，反而是因為處女/新手的陰道口較窄，需要一定的練習才能好好使用月經杯，最好先從棉條開始，感受身體有否不適感更重要！
對新手有什麼建議？
網上有不少教學，第一次用可以多參考網上教學，才能知道最適合自己的方法！
讀者F建議第一次不要出街用，因為一定會放得唔好會漏，慢慢熟能生巧就得！Size揀最細先試用，同埋揀啲texture唔會太軟嘅膠。讀者G建議是經期最尾兩日試，失敗了都沒這麼麻煩。
在街外如何更換？多久換一次？
雖然用月經杯沒有衛生巾方便，但整合讀者們的經驗，其實多帶一樽水就OK！
讀者F表示office就可以帶杯熟水即係飲用水/熱水去清潔，唔想麻煩就倒血 有必要就用紙巾印一印~讀者G表示其實係街換都真係有的煩，最好去大型商場廁所，夠大，我會準備好清水或者可以消毒月事用品既hyginova環保消毒除臭噴霧；讀者H表示出街嘅話其實就咁帶一樽飲用水沖乾淨就okay，跟住可以用hyginova除臭～讀者I表示其實她會睇自己慣常流量，頭一兩日好多既通常5-6個鐘，她就會換一次，她買既係20ml 容量，而且通常會搭月經布一齊用，咁如果見到布有血/黏液分泌你都會知入面已滿
